ഇരവിപുരം: ബൈപാസ് റോഡില്‍ കാര്‍ ഇടിച്ചു നിയന്ത്രണംവിട്ട ഓട്ടോ റോഡരികിലെ ഇറച്ചി കടയിലേക്ക് പാഞ്ഞുകയറി ഓട്ടോഡ്രൈവര്‍ക്ക് ഗുരുതരമായി പരുക്കേറ്റു.ഇറച്ചി വെട്ടുന്ന മരക്കട്ടയുടെയിടയില്‍ ഏറെ നേരം കുരുങ്ങി കിടന്ന ഡ്രൈവറെ നാട്ടുകാരാണ് രക്ഷപ്പെടുത്തിയത്.
തിങ്കളാഴ്ച രാത്രി എട്ടരയോടെ മേവറം കല്ലുംതാഴം ബൈപാസ് റോഡില്‍ പാലത്തറയിലായിരുന്നു സംഭവം. ബൈപാസിലൂടെ വരികയായിരുന്ന ഓട്ടോയെ അമിതവേഗതയില്‍ വരികയായിരുന്ന കാര്‍ ഇടിച്ചു തെറിപ്പിക്കുകയായിരുന്നു.
പരുക്കേറ്റ ഡ്രൈവറെ അടുത്തുള്ള സ്വകാര്യ ആശുപത്രിയില്‍ പ്രവേശിപ്പിച്ചു.