മലയിന്‍കീഴ്: പൊലിസ് നടത്തിയ വാഹന പരിശോധനക്കിടെ മദ്യപിച്ചു സ്‌കൂള്‍ ബസ് ഓടിക്കുകയായിരുന്നു രണ്ടുപേരെ പിടികൂടി. നെല്ലിക്കാട് ഫാദര്‍. ഫിലിപ്പ് ഹൈ സ്‌കൂളിലെ ബസ് ഡ്രൈവര്‍ ബിജു (43), ഊരൂട്ടമ്പലം സരസ്വതി വിദ്യാലയത്തിലെ ബസ് ഡ്രൈവര്‍ രവീന്ദ്രന്‍നായര്‍ (53) എന്നിവരാണ് പിടിയിലായത്. രണ്ടുപേര്‍ക്കുമെതിരേ മാറനല്ലൂര്‍ പൊലിസ് കേസെടുത്തു. ഇതിനു പുറമേ ആര്‍. ടി. ഒ. തലത്തിലുള്ള നിയമ നടപടിക്കും ശുപാര്‍ശ ചെയ്യും എന്ന് പൊലിസ് പറഞ്ഞു. ഇവരെ സ്‌കൂളുകളില്‍ നിന്നും പുറത്താക്കി.