വെഞ്ഞാറമൂട് : കുതിരകുളം തണ്ണിക്കരമുകള്‍ പാറമുകളില്‍ ഉണ്ടായ തീപിടിത്തത്തില്‍ ആറ് ഏക്കറോളം റബര്‍ തോട്ടം കത്തി നശിച്ചു. കുതിരകുളം വിളയില്‍ വീട്ടില്‍ ബാബുപിള്ള, മോഹനചന്ദ്രന്‍, രാജേന്ദ്രന്‍ നായര്‍ എന്നിവരുടെ പുരയിടത്തിനു ആണ് തീ പിടിച്ചത്.ഇന്നലെ വൈകിട്ടായിരുന്നു സംഭവം.ജനവാസ മേഖലയല്ലാത്തതിനാല്‍ സംഭവം ആരുമറിഞ്ഞിരുന്നില്ല. ആറു മണിയോടെ പാറ മുകളില്‍ നിന്നും തീയും പുകയും ഉയരുന്നത് കണ്ട് നാട്ടുകാരെത്തി നോക്കിയപ്പോഴാണ് തീപിടുത്തം കണ്ടത്.ഇവര്‍ അറിയിച്ചതിനെ തുടര്‍ന്നു വെഞ്ഞാറമൂടില്‍ നിന്നെത്തിയ ഫയര്‍ യൂനിറ്റും നാട്ടുകാരും ചേര്‍ന്നാണ് തീ അണച്ചത്. സ്ഥലത്തെ സാമൂഹ്യ വിരുദ്ധരാണ് സംഭവത്തിനു പിന്നിലെന്നാണ് പ്രാഥമിക നിഗമനം.