നെയ്യാറ്റിന്‍കര: കാറില്‍ കടത്തികൊണ്ടുവന്ന പുകയില ഉല്‍പന്നം പിടികൂടി. കാര്‍ ഡ്രൈവറായ പാറശാല വില്ലേജില്‍ തോന്നികോണം വിപിന്‍നിവാസില്‍ വിപിന്‍കുമാറിനെ (31) കസ്റ്റഡിയിലെടുത്തു. ഇന്നലെ ഉച്ചയ്ക്ക് പെരുമ്പഴുതൂരിലുളള എക്‌സൈസ് ചെക്ക് പോസ്റ്റില്‍ നടത്തിയ വാഹനപരിശോധനയ്ക്കിടയിലാണ് കാറിനുള്ളില്‍ നിന്നും 13464 കവര്‍ പുകയില ഉല്‍പന്നം കണ്ടെടുത്തത്. തമിഴ്‌നാട്ടില്‍ നിന്നും ഇത് വാങ്ങി തിരുവനന്തപുരത്തേയ്ക്ക് വില്‍പ്പനയ്ക്കായി കൊണ്ടുവരികയായിരുന്നുവെന്ന് പ്രതി വെളിപ്പെടുത്തി. കാറും പ്രതിയെയും പുകയില ഉല്‍പന്നവും എക്‌സൈസ് അധികൃതര്‍ നെയ്യാറ്റിന്‍കര പൊലിസിനു കൈമാറി.