തിരുവനന്തപുരം: സഹോദരന്റെ മരണത്തില്‍ സി.ബി.ഐ അന്വേഷണത്തിന് കേന്ദ്ര അനുമതി ലഭിച്ചുവെന്ന വാര്‍ത്ത സന്തോഷിപ്പിക്കുന്നതാണെന്ന് ശ്രീജിത്ത് പറഞ്ഞു. എന്നാല്‍, സി.ബി.ഐ അന്വേഷണം ഔദ്യോഗികമായി ആരംഭിക്കുന്നത് വരെ താന്‍ സമരം തുടരുമെന്നും ശ്രീജിത്ത് പറഞ്ഞു.

ഏഴു മാസങ്ങള്‍ക്ക് മുമ്പ് കേസ് സി.ബി.ഐ ഏറ്റെടുത്തുവെന്ന് തങ്ങള്‍ക്ക് അറിയിപ്പ് ലഭിച്ചിരുന്നു. എന്നാല്‍, കേസില്‍ നിന്ന് പിന്നീട് സി.ബി.ഐ പിന്മാറുകയായിരുന്നു. അതിനാലാണ് ഔദ്യോഗികമായി അന്വേഷണം ആരംഭിക്കുന്നത് വരെ സമരം തുടരാന്‍ തീരുമാനിച്ചതെന്നും ശ്രീജിത്ത് പറഞ്ഞു.