തിരുവനന്തപുരം: ലോ അക്കാദമി സമരവുമായി ബന്ധപ്പെട്ട് വിദ്യാര്‍ഥികളുമായി സര്‍ക്കാര്‍ ഇന്ന് ചര്‍ച്ച നടത്തും. വിദ്യാഭ്യാസ മന്ത്രിയുടെ ചേംബറിലാണ് ചര്‍ച്ച നടക്കുകയെന്നാണ് റിപ്പോര്‍ട്ട്.
അതിനിടെ മന്ത്രി വി.എസ് സുനില്‍കുമാറും സി.പി.ഐ ജനറല്‍ സെക്രട്ടറി കാനം രാജേന്ദ്രനും വിദ്യാര്‍ഥികളുമായി ചര്‍ച്ച നടത്തി. സി.പി.ഐ സംസ്ഥാന കമ്മിറ്റി ഓഫീസായ എം.എന്‍ സ്മാരകത്തിലായിരുന്നു കൂടിക്കാഴ്ച.
ചര്‍ച്ചയുടെ അടിസ്ഥാനത്തില്‍ സമരം തുടരുന്ന കാര്യത്തില്‍ തീരുമാനമെടുക്കുമെന്ന് സമരം ചെയ്യുന്ന വിദ്യാര്‍ഥികള്‍ അറിയിച്ചു. കഴിഞ്ഞ ദിവസം വിദ്യാഭ്യാസ മന്ത്രി വിദ്യാര്‍ഥി സംഘടനകളുമായി നടത്തിയ ചര്‍ച്ച തീരുമാനമാകാതെ പിരിഞ്ഞിരുന്നു.