മംഗളൂരു: ഇക്കഴിഞ്ഞ മൂന്നിന് മംഗളൂരുവില്‍ മുസ്്‌ലിം യുവാവിനെ ആക്രമിച്ച് കൊലപ്പെടുത്തിയ ഹൈന്ദവ സംഘടനാ പ്രവര്‍ത്തകരായ രണ്ടുപേരെ പൊലിസ് അറസ്റ്റ് ചെയ്തു. ബഷീര്‍ എന്ന യുവാവിനെയാണ് ലതീഷ്(24), പുഷ്പരാജ്(23) എന്നിവര്‍ ചേര്‍ന്ന് കൊലപ്പെടുത്തിയത്. ദക്ഷിണ കന്നഡ മേഖലയിലുണ്ടായ സംഘര്‍ഷത്തിനിടയില്‍ ബജ്‌റങ്ദള്‍ പ്രവര്‍ത്തകനായ ദീപക് റാവു കൊല്ലപ്പെട്ടിരുന്നു. ഈ സംഭവത്തിനു പിന്നാലെയാണ് അക്രമികള്‍ ബഷീറിനെ ആക്രമിച്ച് കൊലപ്പെടുത്തിയത്. കോണ്‍ഗ്രസും ബി.ജെ.പിയും തമ്മില്‍ ദക്ഷിണ കന്നഡ മേഖലയില്‍ ഏറ്റുമുട്ടല്‍ പതിവായിരിക്കുകയാണ്.