ജെയ്പൂര്‍: വര്‍ക്കിങ് പ്രസിഡന്റ് പ്രവീണ്‍ തൊഗാഡിയയെ കാണാനില്ലെന്ന് വി.എച്ച്പി. 2015ലെ കേസുമായി ബന്ധപ്പെട്ട് രാജസ്ഥാന്‍ പൊലിസ് തൊഗാഡിയക്കെതിരേ അറസ്റ്റ് വാറണ്ടുമായി അഹമ്മദാബാദിലെ വസതിയിലെത്തിയതിന് പിന്നാലെയാണ് അദ്ദേഹത്തെ കാണാതായത്.
തൊഗാഡിയയെ കാണാനില്ലെന്ന വിവരം അഹമ്മദാബാദ് ക്രൈം ബ്രാഞ്ച് സ്ഥിരീകരിച്ചു. അദ്ദേഹത്തിന്റെ വിവരങ്ങള്‍ അന്വേഷിച്ചുവരികയാണെന്നും അവര്‍ പറഞ്ഞു.
രാജസ്ഥാന്‍ പൊലിസ് അദ്ദേഹത്തെ അറസ്റ്റ് ചെയ്ത ശേഷമാണ് തൊഗാഡിയയെ കാണാതായതെന്നാണ് വി.എച്ച്.പി ആരോപിക്കുന്നത്. അദ്ദേഹത്തെ രാജസ്ഥാന്‍ പൊലിസ് കസ്റ്റഡിയിലെടുത്ത് കൊണ്ടുപോയതായി ബി.ജെ.പി ആരോപിച്ചു.