പട്ടിക്കാട്: ആറാമത് സംസ്ഥാന ദര്‍സ് ഫെസ്റ്റിന്റെ ഫൈനല്‍ മത്സരങ്ങള്‍ പട്ടിക്കാട് ജാമിഅ നൂരിയ്യയില്‍ ഇന്ന് തുടങ്ങും. വൈകിട്ട് ആറിന് സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. നോണ്‍ സ്റ്റേജ് മത്സരം ഇന്ന് വൈകിട്ട് ഏഴിനും സ്റ്റേജ് മത്സരം നാളെ കാലത്ത് എട്ടിനും നടക്കും.
1,200 വിഷയങ്ങളിലായി 800 മത്സരാര്‍ഥികളാണ് ഫൈനല്‍ മത്സരത്തില്‍ മാറ്റുരക്കുന്നത്. നാളെ വൈകിട്ട് 6.30ന് നടക്കുന്ന അവാര്‍ഡ്ദാന ചടങ്ങ് ക്രൈംബ്രാഞ്ച് ഡി.ജി.പി ബി.എസ് മുഹമ്മദ് യാസീന്‍ ഉദ്ഘാടനം ചെയ്യും.
മത്സരാര്‍ഥികള്‍ ഇന്ന് വൈകിട്ട് അഞ്ചിന് മുന്‍പായി ഫെസ്റ്റ് ഓഫിസില്‍ റിപ്പോര്‍ട്ട് ചെയ്യണമെന്ന് കണ്‍വീനര്‍ കെ. അബ്ദുല്‍ ഖാദിര്‍ ഫൈസി കുന്നുംപുറം അറിയിച്ചു. ഫോണ്‍: 9747505550.