കരുനാഗപ്പള്ളി: കാണാതായ മധ്യവയസ്‌ക്കന്റെ മൃതദേഹം ആറ്റില്‍ നിന്നു കണ്ടെത്തി.
തെക്കന്‍ മൈനാഗപ്പള്ളി പരപ്പാടിയില്‍ പ്രസന്നന്‍ പിള്ള (49) ന്റെ മൃതദേഹമാണ് കന്നേറ്റി പള്ളിക്കലാറ്റില്‍ കണ്ടെത്തിയത്. മൃതദേഹം ആദ്യം ചാമ്പക്കടവ് പാലത്തിന് സമീപം കണ്ടെത്തിയെങ്കിലും വേലിയേറ്റം കാരണം കന്നേറ്റി കായലില്‍ കൂടി ഒഴുകിയെത്തി ചവറ ഭാഗത്ത് അടിയുകയായിരുന്നു. ഇയാള്‍ ചാമ്പകടവിന് സമീപത്തുള്ള കമ്പനികടവില്‍ കുളിക്കാന്‍ പോകുന്നത് പതിവാണെന്നും ജന്നി വരുന്നയാളുമാണെന്ന് ബന്ധുക്കള്‍ പറയുന്നു. കഴിഞ്ഞ 26 ന് കാണാതായതിനെ തുടര്‍ന്ന് ശാസ്താംകോട്ട പൊലിസില്‍ പരാതി നല്‍കിയിരുന്നു.  അവിവാഹിതനാണ്. മൃതദേഹം കരുനാഗപ്പള്ളി താലൂക്കാശുപത്രിയില്‍ പോസ്റ്റ്‌മോര്‍ട്ടത്തിന് ശേഷം  സംസ്‌കരിച്ചു.