പട്‌ന: ഓടുന്ന ട്രെയിനില്‍ നിന്ന് കുട്ടികളെ പുറത്തേക്ക് വലിച്ചെറിഞ്ഞ പിതാവിനെ റെയില്‍വേ പൊലിസ് അറസ്റ്റ് ചെയ്തു.
കഴിഞ്ഞ വര്‍ഷം ഒക്‌ടോബറിലാണ് സംഭവം നടന്നതെങ്കിലും കുട്ടികളുടെ പിതാവ് ഇദ്ദുമിയാന്‍ ഒളിവില്‍ പോകുകയായിരുന്നു. ബിഹാറില്‍ നിന്ന് ഉത്തര്‍പ്രദേശിലേക്കുള്ള യാത്രക്കിടയിലാണ് ഇയാള്‍ കുട്ടികളെ പുറത്തേക്ക് വലിച്ചെറിഞ്ഞത്.
ഗുരുതര പരുക്കുകളുണ്ടായെങ്കിലും കുട്ടികള്‍ രക്ഷപ്പെട്ടിരുന്നു. സംഭവത്തെക്കുറിച്ച് നടത്തിയ അന്വേഷണത്തിലാണ് പിതാവാണ് ഈ കടുംകൈ ചെയ്തതെന്ന് പൊലിസിന് വിവരം ലഭിച്ചത്.
അന്വേഷണം തുടങ്ങിയതോടെ ഇയാള്‍ ഒളിവില്‍ പോവുകയായിരുന്നു. തുടര്‍ന്ന് ഇന്നലെയാണ് ബിഹാറില്‍ വച്ച് ഇയാള്‍ അറസ്റ്റിലായത്.