പാറശാല: കഴിഞ്ഞ ദിവസം വൃദ്ധനെ വീട്ടില്‍ അതിക്രമിച്ചു കയറി കൊലപ്പെടുത്താന്‍ ശ്രമിച്ചയാള്‍ പിടിയില്‍ .പാറശാല മണലി പുത്തന്‍വീട്ടില്‍ സോമന്റെ മകന്‍ പാണ്ടി വിനോദ് എന്ന് വിളിക്കുന്ന വിനോദിനെ (34) ആണ് പാറശാല പൊലിസ് പിടികൂടിയത്. ഇയാള്‍ കഴിഞ്ഞദിവസം ധനുവച്ചപുരം പോസ്റ്റ് ഓഫീസ് ജങ്ഷനിലുളള വിവേകാനന്ദന്റെ (62) വീട്ടില്‍ അതിക്രമിച്ച് കയറി തുണി അയണ്‍ ചെയ്തു കൊണ്ടിരുന്ന വിവേകാനന്ദനെ മര്‍ദിച്ച് കൊലപ്പെടുത്താന്‍ ശ്രമിക്കുകയായിരുന്നു. വിനോദ് 1999-ല്‍ ധനുവച്ചപുരത്ത് മുരുകാനന്ദനെ അടിച്ചു കൊന്ന കേസിലെ പ്രതിയാണ്. കോടതിയില്‍ ഹാജരാക്കിയ ഇയാളെ റിമാന്റ് ചെയ്തു.