തിരുവനന്തപുരം: പാമ്പാടി നെഹ്‌റു കോളജില്‍ നാല് വിദ്യാര്‍ഥികളെ പുറത്താക്കി. മാനേജ്‌മെന്റിന്റെ പ്രതികാര നടപടിയെന്ന് വിദ്യാര്‍ഥികള്‍. സമരത്തിന് നേതൃത്വം നല്‍കിയവരാണ് പുറത്താക്കപ്പെട്ട വിദ്യാര്‍ഥികള്‍. നടപടിയില്‍ പ്രതിഷേധിച്ച് ശക്തമായ സമരവുമായി രംഗത്തിറങ്ങുമെന്ന് വിദ്യാര്‍ഥികള്‍ അറിയിച്ചു. ഇന്ന് ക്ലാസില്‍ കയറാനെത്തിയ ഇവരോട് ക്ലാസില്‍ കയറരുതെന്ന് മാനേജ്‌മെന്റ് അറിയിക്കുകയായിരുന്നു. ഇവരെ സസ്‌പെന്‍ഡ് ചെയ്തതായും കോളജ് മാനേജ്‌മെന്റ് അറിയിച്ചു. ജിഷ്ണുവിന്റെ മരണത്തെ തുടര്‍ന്ന് ആക്ഷന്‍ കൗണ്‍സില്‍ സമരപരിപാടികള്‍ നടത്തുന്നതിനിടെയാണ് പുതിയ സംഭവം. ജിഷ്ണുവിന്റെ അമ്മ നെഹ്‌റു ഗ്രൂപ്പിന്റെ ചെയര്‍മാന്റെ വീടിന് മുന്നില്‍ സമരം ആരംഭിക്കുമെന്നും പറഞ്ഞിരുന്നു.