പയ്യോളി: മുള്ളന്‍പന്നിയുടെ ആക്രമണത്തില്‍ പള്ളിക്കരയില്‍ വ്യാപകമായ കൃഷിനാശം. പുളിയുള്ളതില്‍മുക്ക് ചാമക്കാര്‍ മുക്ക്, പറോളിനട ഭാഗങ്ങളിലാണ് മുള്ളന്‍പന്നിയുടൈ ആക്രമണം രൂക്ഷമായത്. ഇവിടങ്ങളിലെ നിരവധി പേരുടെ കൃഷിയിടങ്ങളില്‍ കഴിഞ്ഞ ദിവസങ്ങളില്‍ തുടര്‍ച്ചയായി മുള്ളന്‍പന്നിയുടെ ആക്രമണമുണ്ടായിട്ടുണ്ട്.
പറോളിനട വയലില്‍ കൃഷിചെയ്ത പച്ചക്കറികള്‍ വ്യാപകമായി നശിപ്പിക്കപ്പെട്ടിട്ടുണ്ട്. വീട്ടുവളപ്പിലെ പച്ചക്കറികളും നശിപ്പിക്കപ്പെട്ടു. രാത്രി സമയങ്ങളിലാണ് മുള്ളന്‍പന്നിയുടെ ആക്രമണമുണ്ടാകുന്നത്. സംഭവത്തില്‍ കര്‍ഷകര്‍ തിക്കോടി പഞ്ചായത്തിലും കൃഷിഭവനിലും പരാതി നല്‍കി.