മനാമ: റിപബ്ലിക് ദിനത്തില്‍ ബഹ്‌റൈന്‍ എസ്.കെ.എസ്.എസ്.എഫ് സംഘടിപ്പിക്കുന്ന മനുഷ്യജാലികയുടെ ഭാഗമായി മദ്‌റസാ വിദ്യാര്‍ഥികള്‍ക്ക് 'കളറിങ് കോംപിറ്റീഷന്‍' എന്ന പേരില്‍ പെയിന്റിങ് മത്സരം നടത്തുമെന്ന് സംഘാടകര്‍ അറിയിച്ചു. മനാമ ഗോള്‍ഡ് സിറ്റിയിലെ സമസ്ത ഓഡിറ്റോറിയത്തില്‍ 19ന് ഉച്ചയ്ക്കു രണ്ടുമുതല്‍ അഞ്ചുവരെ നടക്കുന്ന മത്സരത്തിന്റെ പ്രഥമ ഘട്ടം മദ്‌റസാ വിദ്യാര്‍ഥികള്‍ക്കു മാത്രമായാണു പരിമിതപ്പെടുത്തിയിരിക്കുന്നത്.
'രാഷ്ട്ര രക്ഷക്ക് സൗഹൃദത്തിന്റെ കരുതല്‍' പ്രമേയത്തില്‍ ഇന്ത്യക്കകത്തും പുറത്തും ഗള്‍ഫ് രാഷ്ട്രങ്ങളിലുമായി വര്‍ഷം തോറും നടന്നുവരുന്ന മനുഷ്യ ജാലിക ഇത്തവണ ബഹ്‌റൈന്‍ അടക്കം 40 കേന്ദ്രങ്ങളിലായാണു സംഘടിപ്പിക്കുന്നത്.