മക്ക: ഫെബ്രുവരി 17, 18, 19 തിയ്യതികളില്‍ മലപ്പുറം മഞ്ചേരിയില്‍ നടക്കുന്ന ജില്ലാ സമ്മേളനത്തിന്റെ പതാക ജാഥ ഇസ്‌ലാമിക ചരിത്രമുറങ്ങുന്ന മക്കയിലെ ഹുദൈബിയയില്‍ നിന്നും പ്രയാണമാരംഭിച്ചു. ഇസ്‌ലാമിക പ്രബോധന മേഖലയില്‍ ഏറെ പ്രാധാന്യമുള്ള മക്ക വിജയത്തിന് ഹേതുകമായ ഹുദൈബിയ സന്ധി നടന്ന സ്ഥലത്തു നബി നിസ്‌കരിക്കുകയും , കൈവിരലുകള്‍ക്കിടയിലൂടെ വെള്ളമൊഴുകുകയും ചെയ്ത സ്ഥലത്തു നിന്നാണ് പതാക യാത്ര ആരംഭിച്ചത്. ബുധനാഴ്ച്ച രാവിലെ മക്കയില്‍ നിന്നും സഊദി വിദ്യാഭ്യാസ പരിശോധകന്‍ ശൈഖ് മുത്വ് ലഖ് ആഈദ് അല്‍ ഖുറൈശി പതാക. എസ് കെ എസ് എസ എഫ് മലപ്പുറം ജില്ലാ മുന്‍ പ്രസിഡന്റും എസ് കെ ഐ സി സഊദി നാഷണല്‍ കമ്മിറ്റി ചെയര്‍മാനുമായ ഒമാനൂര്‍ അബ്ദുറഹ്മാന്‍ മൗലവിക്ക് കൈമാറിയ പതാകയാണ് ഹുദൈബിയയില്‍ നിന്നും പ്രയാണം ആരംഭിച്ചത്. മക്കയില്‍ പതാക കൈമാറ്റ ചടങ്ങില്‍ എസ് കെ ഐ സി നേതാക്കളായ റഫീഖ് ഫൈസി മണ്ണാര്‍ക്കാട്, അബ്ദുള്‍ നാസര്‍ അന്‍വരി, മുഹമ്മദ് സലിം മണ്ണാര്‍ക്കാട്, ഇസ്മയില്‍ കുന്നുംപുറം, അസൈനാര്‍ ഫറോക്, എന്നിവര്‍ സംബന്ധിച്ചു. പിന്നീട് ഹുദൈബിയയില്‍ നിന്നും യാത്രയാരംഭിച്ച ചടങ്ങില്‍ സയ്യിദ് സിയാദ് തങ്ങള്‍ കോട്ടക്കല്‍, അബ്ദുല്‍ മജീദ് കൊണ്ടോട്ടി, അബ്ദുസ്സലാം ഇരുമ്പുഴി, സക്കീര്‍ കോഴിച്ചെന, എന്നിവരും സംബന്ധിച്ചു. ശേഷം ബദര്‍ വഴി ഇവിടെ നിന്നും മദീയനയില്‍ എത്തിച്ചേര്‍ന്ന സംഘത്തെ എസ് കെ ഐ സി കമ്മിറ്റി വരവേറ്റു. മദീനയില്‍ വെച്ച് മക്കയിലെ യാത്രാ സംഘം പതാക എസ് കെ എസ് എസ എഫ് മലപ്പുറം ജില്ലാ സ്ഥാപക ജനറല്‍ സിക്രട്ടറിയായിരുന്ന സി എച്ച് മുഹമ്മദ് ത്വയ്യിബ് ഫൈസിക്കു കൈമാറി. 12 നു തിയ്യതി കരിപ്പൂര്‍ വിമാനത്താവളത്തില്‍ എത്തിച്ചേരുന്ന പതാക സമസ്ത മുന്‍ പ്രസിഡണ്ടായിരുന്ന വാഴക്കാട് കണ്ണിയത് ഉസ്താദ് മഖാം സിയാറത്തിന് ശേഷം സമ്മേളന നഗരിയില്‍ ഉയര്‍ത്തുന്നതിനായി കൊണ്ടുപോകും.