ഫൈസാബാദ് (പട്ടിക്കാട്): പട്ടിക്കാട് ജാമിഅ നൂരിയ്യ അറബിയ്യയുടെ 55ാം വാര്‍ഷിക 53ാം സനദ്ദാന സമ്മേളനം ഇന്ന് തുടങ്ങും. വൈകിട്ട് നാല് മണിക്ക് പാണക്കാട് സയ്യിദ് ഹൈദരലി ശിഹാബ് തങ്ങള്‍ പതാക ഉയര്‍ത്തും. 3.30ന് സിയാറത്തിന് അത്തിപ്പറ്റ മൊയ്തീന്‍ കുട്ടി മുസ്‌ലിയാര്‍ നേതൃത്വം നല്‍കും.
4.30ന് നടക്കുന്ന ഉദ്ഘാടന സമ്മേളനം സയ്യിദ് സാദിഖലി ശിഹാബ് തങ്ങളുടെ അധ്യക്ഷതയില്‍ മൗലാനാ മുഹിബ്ബുല്ലാ മുഹമ്മദലി (ന്യൂഡല്‍ഹി) ഉദ്ഘാടനം ചെയ്യും.
പി. കുഞ്ഞാണി മുസ്‌ലിയാര്‍, എം.ഐ ഷാനവാസ് എം.പി, മഞ്ഞളാംകുഴി അലി എം.എല്‍.എ, അഡ്വ. എന്‍. സൂപ്പി, എം.എം മുഹ്‌യുദ്ദീന്‍ മുസ്‌ലിയാര്‍, ഹകീം ഫൈസി ആദൃശ്ശേരി, യു.എ ലത്തീഫ്, ചെമ്മുക്കന്‍ കുഞ്ഞാപ്പു ഹാജി പ്രസംഗിക്കും. 6 മണിക്ക് നടക്കുന്ന ഹോണറിങ് സെഷന്‍ ക്രൈബ്രാഞ്ച് ഡി.ജി.പി ബി.എസ് മുഹമ്മദ് യാസീന്‍ ഉദ്ഘാടനം ചെയ്യും. പി. അബ്ദുല്‍ ഹമീദ് എം.എല്‍.എ അധ്യക്ഷനാകും. 7.30ന് നമ്മുടെ വിശ്വാസം എന്ന വിഷയത്തില്‍ നടക്കുന്ന ആദര്‍ശ സമ്മേളനം എം.ടി അബ്ദുല്ല മുസ്‌ലിയാര്‍ ഉദ്ഘാടനം ചെയ്യും. നാസര്‍ ഫൈസി കൂടത്തായി, ഗഫൂര്‍ അന്‍വരി, മുസ്തഫ അശ്‌റഫി, സുലൈമാന്‍ ഫൈസി ചുങ്കത്തറ, എം.ടി അബൂബക്കര്‍ ദാരിമി, മുസ്തഫ ഫൈസി വടക്കുമുറി ക്ലാസെടുക്കും. 18ന് വ്യാഴാഴ്ച ഓപ്പണ്‍ ഡിബേറ്റ്, അലൂംനി മീറ്റ്, തസവ്വുഫ് സമ്മേളനം എന്നിവ നടക്കും. ഞായറാഴ്ച സമാപിക്കും.