ബംഗളൂരു: ടെസ്റ്റ് ക്രിക്കറ്റില്‍ അഫ്ഗാനിസ്ഥാന്റെ അരങ്ങേറ്റം ബംഗളൂരു ചിഹ്നസ്വാമി സ്റ്റേഡിയത്തില്‍. ഇന്ത്യക്കെതിരേ ഈ വര്‍ഷം ജൂണ്‍ 14നാകും അഫ്ഗാനിസ്ഥാന്റെ അരങ്ങേറ്റം. 2011ല്‍ ഏകദിന ക്രിക്കറ്റില്‍ അരങ്ങേറ്റം കുറിച്ച അഫ്ഗാനിസ്ഥാന്റെ മികച്ച പ്രകടനത്തെ തുടര്‍ന്നാണ് ടെസ്റ്റ് ക്രിക്കറ്റിലും കഴിവ് തെളിയിക്കാനുള്ള സാധ്യത തെളിഞ്ഞത്. കഴിഞ്ഞ വര്‍ഷമാണ് അഫ്ഗാനിസ്ഥാനിനും അയര്‍ലണ്ടിനും ഐ. സി. സി ഔദ്യോഗിക ടെസ്റ്റ് പദവി നല്‍കുന്നത്. ഇതോടെ പൂര്‍ണ ക്രിക്കറ്റ് രാജ്യങ്ങളുടെ പട്ടികയില്‍ 12 രാജ്യങ്ങളായി മാറി. ഏകദിന ക്രിക്കറ്റ് പദവി ലഭിച്ചതിന് ശേഷം അന്താരാഷ്ട്ര ക്രിക്കറ്റില്‍ അഫ്ഗാനിസ്ഥാന്‍ മികച്ച മുന്നേറ്റങ്ങള്‍ നടത്തിയിരുന്നു.