ബംഗളൂരു: ചെവ്വാഴ്ച പ്രഖ്യാപിച്ച കര്‍ണാടകയുടെ സന്തോഷ് ട്രോഫിക്കുള്ള 20 അംഗ ടീമില്‍ മൂന്ന് മലയാളി താരങ്ങള്‍. മൂന്ന് പേരും കോഴിക്കോട് സ്വദേശികളാണ്. ഷഫീല്‍, ലിയോണ്‍ അഗസ്റ്റിന്‍, ഷൈന്‍ ഖാന്‍ എന്നിവരാണ് ടീമില്‍ ഇടംനേടിയിട്ടുള്ളത്. ലിയോണ്‍ അഗസ്റ്റിനും ഷൈന്‍ ഖാനും ബംഗളുരു എഫ്. സി താരങ്ങളാണ്. ബംഗളുരു ഇന്‍ഡിപെന്‍ഡന്റ് താരമാണ് ഷെഫില്‍. എ. ഡബ്യു. ഇ. എസ് കപ്പില്‍ ബംഗളുരുവിന് മികച്ച പ്രകടനം നടത്തിയവരാണ് അഗസ്റ്റിനും ഷൈന്‍ ഖാനും. കോഴിക്കോട് യൂണിവേഴ്‌സല്‍ സോക്കര്‍ അക്കാദമിയിലൂടെയാണ് ലിയോണിന്റെ ഫുട്‌ബോളിലേക്കുള്ള വരവ്. ദേവഗിരി കോളജില്‍ നിന്നാണ് ഗോള്‍കീപ്പര്‍ ഷൈന്‍ ബംഗളുരു എഫ്. സിയിലെത്തുന്നത്. പയ്യാനക്കല്‍ ഗവണ്‍മെന്റ് വെക്കേഷണല്‍ സ്‌കൂളില്‍ നിന്നും വന്ന ഷെഫില്‍ കോഴിക്കോട് ജില്ലാ ലീഗിലെയും താരമായിരന്നു.