റിയാദ്: സാങ്കേതിക തടസ്സം നേരിട്ടെന്ന പരാതിയില്‍ സഊദിയിലെ പ്രമുഖ ബാങ്കായ സാംബ ബാങ്കിന് സഊദി കേന്ദ്ര ബാങ്കായ സഊദി അറേബ്യന്‍ മോണിട്ടറി ഏജന്‍സി (സാമ) പിഴ ചുമത്തി. രാജ്യത്തെ ഏറ്റവും വലിയ മൂന്നാമത്തെ ബാങ്കാണ് സാംബ ബാങ്ക് ഗ്രൂപ്പ്. കഴിഞ്ഞ വര്‍ഷമാണ് സാംബ ബാങ്കിന്റെ രാജ്യത്തെ എടിഎമ്മുകളുടെയും ഓണലൈന്‍ സംവിധാനങ്ങളെയും ബാധിച്ച ടെക്‌നിക്കല്‍ പ്രശ്‌നം നേരിട്ടത്. ഇത് ഏതാനും ദിവസങ്ങള്‍ തുടരുകയും ചെയ്തിരുന്നു. ഇത്തരം പ്രതിസന്ധികളെ നേരിടാനുള്ള നൂതനമായ സംവിധാനങ്ങള്‍ ബാങ്ക് സജ്ജീകരിച്ചിട്ടില്ലെന്നും സുഗമമായ നടത്തിപ്പിന് വേണ്ട സജ്ജീകരങ്ങള്‍ ഒരുക്കിയിരുന്നില്ലെന്നും റിപ്പോര്‍ട്ടില്‍ പറയുന്നുണ്ട്. എന്നാല്‍ പിഴ തുക എത്രയാണെന്നു വെളിപ്പെടുത്തിയിട്ടില്ല.