അഹമ്മദാബാദ്: ഇന്ത്യയിലെത്തിയ ഇസ്രായേല്‍ പ്രധാനമന്ത്രി ബെഞ്ചമിന്‍ നെതന്യാഹു ഗുജറാത്തിലെ സബര്‍മതി ആശ്രമം സന്ദര്‍ശിച്ചു. ഭാര്യ സാറ, പ്രധാനമന്ത്രി നരേന്ദ്ര മോദി, ഇസ്രാഈലില്‍ നിന്നുള്ള ഉന്നത ഉദ്യോഗസ്ഥരും സുരക്ഷാ ഉദ്യോഗസ്ഥരും നെതന്യാഹുവിനെ അനുഗമിച്ചു.

താനും ഇന്ത്യന്‍ പ്രധാനമന്ത്രി നരേന്ദ്ര മോദിയും ചിന്തകളില്‍ ചെറുപ്പമുള്ളവരാണെന്ന് ആസ്രമത്തിലെ അന്തേവാസികളെ അഭിസംബോധന ചെയ്ത് അദ്ദേഹം പറഞ്ഞു. തങ്ങള്‍ രണ്ടു പേരും ശുഭാപ്തി വിശ്വാസക്കാരാണെന്നും അദ്ദേഹം കൂട്ടിച്ചേര്‍ത്തു.

അഹമ്മദാബാദ് വിമാനത്താവളത്തില്‍ നിന്ന് എട്ട് കിലോമീറ്റര്‍ റോഡ് ഷോ നടത്തിയാണ് നെതന്യാഹുവും മോദിയും സബര്‍മതിയിലെത്തിയത്. രാഷ്ട്രപിതാവ് മഹാത്മാ ഗാന്ധിയുടെ ഛായാചിത്രത്തില്‍ ഇരുവരും ആദരവ് അര്‍പ്പിച്ചു. ആശ്രമത്തിലെ ചര്‍ക്കയില്‍ കൈ കൊണ്ട് നൂല്‍നൂറ്റി ഖാദി വസ്ത്രം നെയ്യാന്‍ നെതന്യാഹു ശ്രമം നടത്തി. കൂടാതെ, പട്ടം പറത്തുകയും ചെയ്തു.