കളമശേരി:മദ്യകുപ്പി മോഷ്ടിച്ചെന്നാരോപിച്ച് മര്‍ദ്ദനം.നാല് കുസാറ്റ് വിദ്യാര്‍ഥികള്‍ പൊലീസ് പിടിയിലായി. കുസാറ്റ് ബി.ടെക് വിദ്യാര്‍ഥി സുവേഗിനെ മര്‍ദ്ദിച്ച കേസിലാണ് വിദ്യാര്‍ഥികളെ കളമശേരി പൊലീസ് പിടികൂടിയത്.
ബി.ടെക് എട്ടാം സെമസ്റ്റര്‍ ഫയര്‍ ആന്റ് സേഫ്ടി വിദ്യാര്‍ഥി ആഷിഖ് (22) ആറാം സെമസ്റ്റര്‍ ഇലക്ട്രാണിക്‌സ് വിദ്യാര്‍ത്ഥി മിഥില്‍ രാജ്(22) എട്ടാം സെമസ്റ്റര്‍ ഫയര്‍ ആന്റ് സേഫ്ടി വിദ്യാര്‍ഥി ജിഷ്ണു (23) മെക്കാനിക്കല്‍ എന്‍ജിനിയറിംഗ് അവസാന വര്‍ഷ വിദ്യാര്‍ത്ഥി ജിഷ്ണു (23) എന്നിവരെയാണ് കളമശേരി പൊലീസ് സബ് ഇന്‍സ്പക്ടര്‍ ഇ.വി.ഷിബുവും സംഘവും അറസ്റ്റ് ചെയ്തത്.സുവേഗ് പ്രതികളുടെ മദ്യ കുപ്പി മോഷ്ടിച്ചുവെന്നാരോപിച്ചായിരുന്നു മര്‍ദ്ദിച്ചതെന്ന് പൊലീസ് പറഞ്ഞു.