ഉരുവച്ചാല്‍:ഓട്ടോറിക്ഷ വൈദ്യുതി തൂണിലിടിച്ച് അഞ്ചുപേര്‍ക്ക് പരുക്ക്. ഉരുവച്ചാല്‍ മണക്കായി റോഡില്‍ ഇന്നലെ ഉച്ചയ്ക്കാണ് അപകടം. പരുക്കേറ്റ കരേറ്റ വടോന്നിയിലെ പ്രണവ് (18), കതിരൂരിലെ രതീശ് (35 ), ശാന്ത (60 ), സനില (30), ശിവാന (2) എന്നിവരെ തലശ്ശേരി ഇന്ദിരാഗാന്ധി ആശുപത്രിയില്‍ പ്രവേശിപ്പിച്ചു. ഉരുവച്ചാലില്‍ നിന്നു കയനിയിലേക്ക് പോകവെ നിയന്ത്രണം വിട്ട് വൈദ്യുതി പോസ്റ്റില്‍ ഇടിക്കുകയായിരുന്നു. അപകടത്തില്‍ ഓട്ടോയുടെ മുന്‍ഭാഗം തകര്‍ന്നു. അപകടസമയത്ത് അതുവഴി കടന്നു പോവുകയായിരുന്ന ഉരുവച്ചാലിലെ വ്യാപാരി റഫീഖ് ബാവോട് പാറയുടെ നേതൃത്വത്തിലാണ്് അപകടത്തില്‍പ്പെട്ടവരെ ആശുപത്രിയില്‍ എത്തിച്ചത്.