ന്യൂഡല്‍ഹി: 1997ലെ ഉപഹാര്‍ സിനിമ തിയറ്റര്‍ തീപിടിച്ച് 59 പേര്‍ മരിച്ച സംഭവത്തില്‍ ഉടമസ്ഥരിലൊരാളായ ഗോപാല്‍ അന്‍സല്‍ നാലാഴ്ചയ്ക്കകം കീഴടങ്ങണമെന്നും ജയിലില്‍ പോകണമെന്നും സുപ്രിംകോടതി വിധി.

ഒരു വര്‍ഷമാണ് ഗോപാലിന്റെ ശിക്ഷയുടെ കാലാവധി. എന്നാല്‍ സംഭവത്തില്‍ ഗോപാലിന്റെ സഹോദരന്‍ സുശീല്‍ അന്‍സലിനെ പ്രായം പരിഗണിച്ച് ജയില്‍ ശിക്ഷയില്‍നിന്ന് ഒഴിവാക്കിയിട്ടുണ്ട്.

1997ല്‍ ഗോപാല്‍ അന്‍സല്‍, സുശീല്‍ അന്‍സല്‍ എന്നിവരുടെ ഉടമസ്ഥതയിലുള്ള 'ഉപഹാര്‍' തിയേറ്ററിലുണ്ടായ തീപിടിത്തത്തില്‍ 59 പേര്‍ മരിച്ചിരുന്നു. പ്രദര്‍ശനം നടന്നുകൊണ്ടിരിക്കെ കേടായ ട്രാന്‍സ്‌ഫോര്‍മറില്‍നിന്ന് തീ പടര്‍ന്നതാണ് ദുരന്തത്തിലേക്ക് നയിച്ചത്.

പ്രാഥമിക സുരക്ഷാ നിര്‍ദേശങ്ങള്‍ പാലിക്കാത്തതാണ് അപകടത്തിന്റെ വ്യാപ്തി കൂടാന്‍ കാരണം.