മോസ്‌കോ: സിറിയയില്‍ റഷ്യ നടത്തിയ വ്യോമാക്രമണത്തില്‍ മൂന്ന് തുര്‍ക്കി സൈനികര്‍ കൊല്ലപ്പെട്ടു. 11 സൈനികര്‍ക്ക് പരുക്കേല്‍ക്കുകയും ചെയ്തു. സംഭവത്തില്‍ റഷ്യന്‍ പ്രസിഡന്റ് വ്‌ളാദ്മിര്‍ പുടിന്‍ ഖേദം രേഖപ്പെടുത്തി.

ഇന്നലെ രാത്രിയാണ് അല്‍ബാബ് സിറ്റിയില്‍ വ്യോമാക്രമണം നടന്നത്. സിറിയന്‍ വിമതരെ പിന്തുണയ്ക്കുന്ന തുര്‍ക്കിയുടെ സൈനിക വിഭാഗത്തിനു നേര്‍ക്കാണ് ആക്രമണമുണ്ടായത്.

ഐ.എസില്‍നിന്നും അല്‍ബാബിന്റെ നിയന്ത്രണം സിറിയന്‍ വിമതരുടെ പിന്തുണയോടെ തുര്‍ക്കി സൈന്യം പിടിച്ചെടുത്തിരുന്നു. ഇവിടെയാണ് റഷ്യന്‍ വ്യോമസേന ആക്രമണം നടത്തിയത്.

അല്‍ബാബിനു സമീപം വിന്യസിച്ചിരുന്ന സൈനികരുടെ നേര്‍ക്കാണ് ആക്രമണം ഉണ്ടായതെന്ന് തുര്‍ക്കി സൈനിക വൃത്തങ്ങള്‍ പറയുന്നു.