കൊല്ലം: എന്‍ജിനിയറിങ് കോളജ് വിദ്യാര്‍ഥി വിഷം കഴിച്ച് ആത്മഹത്യക്ക് ശ്രമിച്ചു.
കൊല്ലം ടി.കെ.എം എന്‍ജിനിയറിങ് കോളജ് വിദ്യാര്‍ഥി പെരുമ്പാവൂര്‍ സ്വദേശി ദില്‍ഷിദിനെയാണ് ആത്മഹത്യാ ശ്രമത്തെ തുടര്‍ന്ന് കൊല്ലത്തെ സ്വകാര്യ ആശുപത്രിയില്‍ പ്രവേശിപ്പിച്ചത്.
ഇന്നലെ പുലര്‍ച്ചെയാണ് കെമിക്കല്‍ എന്‍ജിനീയറിങ് വിദ്യാര്‍ഥി ദില്‍ഷിദ് വിഷം കഴിച്ച് അവശനായ നിലയില്‍ താമസസ്ഥലത്ത് കാണപ്പെട്ടത്.
പരീക്ഷ സംബന്ധിച്ച രേഖകളില്‍ എച്ച്.ഒ.ഡി ഒപ്പിട്ട് നല്‍കാതിരുന്നതുമൂലമുള്ള മാനസിക വിഷമമാണ് ആത്മഹത്യാശ്രമത്തിന് കാരണമെന്ന് സഹപാഠികള്‍ പറയുന്നു.
എന്നാല്‍ യാതൊരുവിധ മാനസിക പീഡനവും ഉണ്ടായിട്ടില്ലെന്ന് കോളജ് അധികൃതര്‍ സ്വകാര്യ ചാനലിനോട് വ്യക്തമാക്കി.