മാഡ്രിഡ്: ഉത്തേജക വിവാദത്തെ തുടര്‍ന്നു വിലക്ക് നേരിടുന്ന മുന്‍ ലോക ഒന്നാം നമ്പര്‍ ടെന്നീസ് താരം മരിയ ഷറപ്പോവ മെയില്‍ നടക്കുന്ന മാഡ്രിഡ് ഓപണില്‍ മത്സരിക്കും. വൈല്‍ഡ് കാര്‍ഡ് എന്‍ട്രിയിലൂടെയാണു താരം മത്സരിക്കാനിറങ്ങുക. ഉത്തേജക വിവാദത്തെ തുടര്‍ന്നു 15 മാസത്തെ വിലക്കാണു താരം നേരിടുന്നത്. ഇതവസാനിക്കാന്‍ രണ്ടാഴ്ച കൂടിയുണ്ട്.  വിലക്ക് മാറി ഏപ്രില്‍ മാസത്തില്‍ നടക്കുന്ന സ്റ്റുട്ട്ഗര്‍ട് ഗ്രാന്‍ പ്രിയില്‍ താരം വീണ്ടും മത്സരിക്കാനിറങ്ങും.