വെസ്റ്റ് ബാങ്ക്: ഇസ്‌റാഈല്‍ സൈന്യവുമായുണ്ടായ ഏറ്റുമുട്ടലില്‍ ഫലസ്തീന്‍ യുവാവ് കൊല്ലപ്പെട്ടു. അധിനിവിഷ്ട വെസ്റ്റ് ബാങ്കിലെ ജെനിന്‍ നഗരത്തില്‍ ഇസ്‌റാഈല്‍ നടത്തിയ അക്രമത്തിലാണ് യുവാവ് മരിച്ചതെന്ന് ഫലസ്തീന്‍ ആരോഗ്യ മന്ത്രാലയം അറിയിച്ചു. ഇരുപത്തിരണ്ടുകാരനായ അഹമ്മദ് ജറാന്‍ ആണ് കൊല്ലപ്പെട്ടത്.
2001ല്‍ ഇസ്‌റാഈല്‍ സൈന്യത്തിന്റെ അക്രമത്തില്‍ കൊല്ലപ്പെട്ട ഹമാസ് നേതാവ് നാസര്‍ ജറാറിന്റെ മകനാണ് അഹമ്മദ് ജറാന്‍.
കഴിഞ്ഞാഴ്ച ഇസ്‌റാഈല്‍ കുടിയേറ്റക്കാരനെ കൊലപ്പെടുത്തിയതില്‍ പങ്കുണ്ടെന്ന് ആരോപിച്ച് അഹമ്മദ് ജറാന്റെ വീട് സൈന്യം വളയുകയായിരുന്നു.
തുടര്‍ന്ന് നടന്ന വെടിവയ്പിലാണ് ജറാന്‍ കൊല്ലപ്പെട്ടതെന്ന് ഫലസ്തീന്‍ വാര്‍ത്താ ഏജന്‍സിയായ വഫ റിപ്പോര്‍ട്ട് ചെയ്തു. ഇസ്‌റാഈല്‍ സൈന്യത്തിന്റെ അക്രമത്തില്‍ ഈ വര്‍ഷം കൊല്ലപ്പെടുന്ന അഞ്ചാമത്തെ ഫലസ്തീനിയാണ് ഇദ്ദേഹം.