തിരുവനന്തപുരം: സി.ബി.ഐ അന്വേഷണത്തിന് വിജ്ഞാപനമിറങ്ങിയ സാഹചര്യത്തില്‍ ശ്രീജിത്ത് സമരം അവസാനിപ്പിക്കണമെന്ന് സംസ്ഥാന സര്‍ക്കാര്‍. മുഖ്യമന്ത്രി ശ്രീജിത്തും അമ്മയുമായി നടത്തിയ ചര്‍ച്ചയില്‍ തീരുമാനമുണ്ടായിരിക്കുകയാണ്. ഈ സാഹചര്യത്തില്‍ ശ്രീജിത്ത് സമരം തുടരരുതെന്ന് മുഖ്യമന്ത്രിയുടെ പ്രൈവറ്റ് സെക്രട്ടറി എം.വി ജയരാജന്‍  ആവശ്യപ്പെട്ടു.

ശ്രീജിത്തിന് സി.ബി.ഐ അന്വേഷണ വിജ്ഞാപനത്തിന്റെ പകര്‍പ്പ് കൈമാറിയ ശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.

എന്നാല്‍ ഉത്തരവിറങ്ങിയതു കൊണ്ടു മാത്രം സമരം അവസാനിപ്പിക്കില്ലെന്നാണ് ശ്രീജിത്തിന്റെ നിലപാട്. അന്വേഷണ നടപടികള്‍ ആരംഭിച്ചാല്‍ മാത്രമേ സമരം അവസാനിപ്പിക്കൂ എന്ന് ശ്രീജിത്ത് മാധ്യമപ്രവര്‍ത്തകരോട് പറഞ്ഞു.