തിരുവനന്തപുരം: ബാര്‍കോഴക്കേസിലെ വിജിലന്‍സ് റിപ്പോര്‍ട്ട് ചോര്‍ന്നതില്‍ ഹൈക്കോടതിക്ക് അതൃപ്തി. റിപ്പോര്‍ട്ട് മാധ്യമങ്ങള്‍ക്ക് ലഭിച്ചതില്‍ കോടതി അതൃപ്തി പ്രകടിപ്പിച്ചു. ബാര്‍കോഴക്കേസ് റിപ്പോര്‍ട്ട് സംബന്ധിച്ച കാര്യങ്ങള്‍ മാധ്യമപ്രവര്‍ത്തര്‍ ചര്‍ച്ച ചെയ്യരുതെന്ന് കോടതി മാധ്യമങ്ങള്‍ക്ക് നിര്‍ദ്ദേശം നല്‍കി. അന്വേഷണ ഉദ്യോഗസ്ഥര്‍ ജാഗ്രത പാലിക്കണമെന്ന് കോടതി കര്‍ശനമായി നിര്‍ദ്ദേശിച്ചു.

കഴിഞ്ഞ ദിവസമാണ് വിജിലന്‍സ് കോടതിയില്‍ റിപ്പോര്‍ട്ട് സമര്‍പ്പിച്ചത്. മുദ്ര വച്ചകവറിലായിരുന്നു റിപ്പോര്‍ട്ട്. എന്നാല്‍ നിമിഷങ്ങള്‍ക്കകം റിപ്പോര്‍ട്ടിലെ വിവരങ്ങള്‍ മാധ്യമങ്ങള്‍ പുറത്തു വിട്ടിരുന്നു. തുടര്‍ന്നാണ് കോടതിയുടെ വിമര്‍ശനം.