ഇസ്‌ലാമബാദ്: ഇന്ത്യ രഹസ്യ ആണവ നഗരം നിര്‍മിക്കുന്നതായി പാകിസ്താന്‍ ആരോപണം. മേഖലയുടെ നയതന്ത്ര ശാക്തിക ബലത്തെ അവഗണിച്ച് ഇന്ത്യ ആയുധങ്ങള്‍ ശേഖരിച്ചുകൂട്ടുകയാണെന്നും പാകിസ്താന്‍ വിദേശകാര്യ വക്താവ് നഫീസ് സക്കരിയ പറഞ്ഞു. വാര്‍ത്ത അടിസ്ഥാനരഹിതമാണെന്നും യഥാര്‍ഥ പ്രശ്‌നമായ ഭീകരവാദത്തില്‍നിന്നു ശ്രദ്ധ തിരിക്കാനാണു പാകിസ്താന്റെ ശ്രമമെന്നും ഇന്ത്യന്‍ വിദേശകാര്യ വക്താവ് വികാസ് സ്വരൂപ് പ്രതികരിച്ചു.