മനാമ: പട്ടിക്കാട് ഫൈസാബാദില്‍ ആരംഭിച്ച ജാമിഅ: നൂരിയ്യ: അറബിക് കോളേജ് 55ാം വാര്‍ഷിക 53ാം സനദ്ദാന സമ്മേളനത്തിന്റെ തല്‍സമയ സംപ്രേഷണം ഇന്ന് മനാമയിലെ സമസ്ത ബഹ്‌റൈന്‍ ഓഡിറ്റോറിയത്തില്‍ നടക്കും.
അഞ്ചു ദിവസമായി നടന്നു വരുന്ന സമ്മേളനത്തിന്റെ സമാപന ദിവസമായ ഞായറാഴ്ച കാലത്ത് ഇന്ത്യന്‍ സമയം 10 മണിമുതല്‍ വിവിധ പരിപാടികള്‍! നടക്കും.
തുടര്‍ന്ന് വൈകിട്ട് നടക്കുന്ന പൊതുസമ്മേളനം രാജ്യസഭ പ്രതിപക്ഷ നേതാവ് ഗുലാംനബി ആസാദ് ഉദ്ഘാടനം ചെയ്യും. സമസ്ത നേതാക്കളും മതരാഷ്ട്രീയ രംഗത്തെ പ്രമുഖരും സംബന്ധിക്കും.
സമ്മേളനം പൂര്‍ണമായും http://www.jamianooriya.org/ എന്ന വെബ്‌സൈറ്റിലും ബൈലക്‌സ് മെസഞ്ചറില്‍ പ്രവര്‍ത്തിക്കുന്ന സമസ്ത കേരള ഇസ്ലാമിക് ക്ലാസ്സ്‌റൂം വഴിയും തല്‍സമയം വീക്ഷിക്കാനുള്ള സൗകര്യം ഒരുക്കിയിട്ടുണ്ട്.
കെ.ഐ.സി.ആര്‍ ഇന്റര്‍നെറ്റ് റേഡിയോ, ലൈവ് ടിവി എന്നിവ വഴി മൊബൈലിലൂടെ എഛ് ഡി സൗകര്യത്തോടെയും സമ്മേളനം തല്‍സമയം വീക്ഷിക്കാം.