കൊല്ലം: വഴിയില്‍ കിടക്കുന്ന തൊപ്പികളൊന്നും സി.പി.ഐ ധരിക്കാറില്ലെന്നും ചേരുന്നവ മാത്രമേ ധരിക്കാറുള്ളുവെന്നും സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍. ദേശാഭിമാനില്‍ വന്ന കോടിയേരിയുടെ ലേഖനത്തെ കുറിച്ച മാധ്യമപ്രവര്‍ത്തരുടെ ചോദ്യത്തോടായിരുന്നു കാനത്തിന്റെ പ്രതികരണം. 'ലേഖനത്തില്‍ സി.പി.ഐയെ കുറിച്ച് ഒന്നും പറഞ്ഞിട്ടില്ല. കോ ലീ ബി സഖ്യത്തില്‍ സി.പി.ഐ ഉള്‍പെട്ടിട്ടില്ല. മുന്നണിയില്‍ നടന്ന ചര്‍ച്ചയുടെ അടിസ്ഥാനത്തിലാണ് ലോ അക്കാദമിയില്‍ തീരുമാനമെടുത്തതെന്നും അദ്ദേഹം വ്യക്തമാക്കി. സി.പി.എമ്മും സി.പി.ഐയും രണ്ട് പാര്‍ട്ടികളാണ്. സി.പി.ഐയെ ആര്‍ക്കും ഉപദേശിക്കേണ്ട കാര്യമില്ലെന്നും അദ്ദേഹം മാധ്യമപ്രവര്‍ത്തകരോട് പറഞ്ഞു.