ന്യൂഡല്‍ഹി: മഴക്കോട്ടിട്ട് കുളിക്കുകയെന്ന പ്രധാനമന്ത്രി നരേന്ദ്ര മോദിയുടെ പരാമര്‍ശം മന്‍മോഹന്‍ സിങ്ങിനെ പ്രശംസിക്കാനെന്ന് ആഭ്യന്തരമന്ത്രി രാജ്‌നാഥ് സിങ്. പ്രധാനമന്ത്രി ആരേയും പരിഹസിച്ചിട്ടില്ല. മന്‍മോഹന്‍ സിങ്ങിനെ തങ്ങളെല്ലാവരും ബഹുമാനിക്കുന്നു. ഒരു പാട് അഴിമതിക്കാര്‍ക്കിടയില്‍ അഴിമതി കാണിക്കാത്ത ഒരാളായിരുന്നു മന്‍മോഹന്‍ സിങ് എന്നാണ് പ്രധാനമന്ത്രി ഉദ്ദേശിച്ചത്. അത് അദ്ദേഹത്തിനുള്ള പ്രശംസയാണെന്നും രാജ് നാഥ് സിങ് പറഞ്ഞു.
പ്രധാനമന്ത്രിയുടെ പരാമര്‍ശം ഒട്ടേറെ വിമര്‍ശനങ്ങള്‍ക്കിടയാക്കിയിരുന്നു.

എസ്.പി- കോണ്‍ഗ്രസ് സഖ്യം മൈനസ് ആണെന്ന് അദ്ദേഹം വിശേഷിപ്പിച്ചു. മൈനസും മൈനസും കൂട്ടിയാല്‍ മൈനസ് തന്നെയായിരിക്കും ഉത്തരമെന്നും അദ്ദേഹം പരിഹസിച്ചു. ജാട്ട് വിഭാഗക്കരുടെ ഭൂരിപതക്ഷ പ്രദേശങ്ങള്‍ താന്‍ സന്ദര്‍ശിച്ചുവെന്നും അവിടങ്ങളിലെല്ലാം ശക്തമായ പിന്തുണാണ് തങ്ങള്‍ക്ക് ലഭിച്ചതെന്നും അദ്ദേഹം കൂട്ടിച്ചേര്‍ത്തു.