കോഴിക്കോട്: പഞ്ചാബ് നാഷനല്‍ ബാങ്ക് റിട്ടയേര്‍ഡ് സ്റ്റാഫ് അസോസിയേഷന്റെ  ഒന്‍പതാമത് സംസ്ഥാന സമ്മേളനം എം.കെ രാഘവന്‍ എം.പി ഉദ്ഘാടനം നിര്‍വഹിച്ചു. സംഘടനയുടെ പ്രസിഡന്റ് ടി.കെ സരോജിനി അധ്യക്ഷയായിരുന്നു.
പി.എന്‍.ബി എംപ്ലോയീസ് യൂനിയന്‍ ജനറല്‍ സെക്രട്ടറി എം.സി പോള്‍, ഓഫിസേഴ്‌സ് അസോസിയേഷന്‍ ഭാരവാഹി എന്‍. അശോകന്‍, എ.എസ് ഹരിഹരന്‍, പി.കെ ലക്ഷ്മീദാസ്, കെ.സി മോഹന്‍ദാസ് സംസാരിച്ചു. പ്രതിനിധി സമ്മേളനം ഓള്‍ കേരള ബാങ്ക് റിട്ടയറീസ് ഫെഡറേഷന്‍ ജോയിന്റ് ജനറല്‍ സെക്രട്ടറി ജോണ്‍ ജോസഫ് ഉദ്ഘാടനം ചെയ്തു.
സമ്മേളനത്തില്‍ വിവിധ ജില്ലകളില്‍ നിന്നായി 400 ഓളം പ്രതിനിധികള്‍ പങ്കെടുത്തു. പാര്‍ട്ട്‌ടൈം സ്വീപ്പര്‍ മുതല്‍ ജനറല്‍ മാനേജര്‍ തസ്തികയില്‍ നിന്ന് വരെ വിരമിച്ചവര്‍ സംഘടനയില്‍ അംഗങ്ങളാണ്.