കോഴിക്കോട്: സമസ്ത കേരള ഇസ്‌ലാംമത വിദ്യാഭ്യാസ ബോര്‍ഡിനു കീഴില്‍ അടുത്ത അധ്യയന വര്‍ഷം ആരംഭിക്കുന്ന അല്‍ബിര്‍റ് പ്രീ സ്‌കൂള്‍ മാനേജ്‌മെന്റ് പ്രതിനിധികള്‍ക്കുള്ള ശില്‍പശാല ഇന്നു നടക്കും. രാവിലെ ഒന്‍പതിന് കോഴിക്കോട്ട് ഹോട്ടല്‍ മലബാര്‍ ഗേറ്റില്‍ നടക്കുന്ന പരിപാടി സമസ്ത പ്രസിഡന്റ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. എം.ടി അബ്ദുല്ല മുസ്‌ലിയാര്‍ അധ്യക്ഷനാകും. പ്രൊഫ. കെ. ആലിക്കുട്ടി മുസ്‌ലിയാര്‍ മുഖ്യപ്രഭാഷണം നടത്തും.
ജില്ലാതല കിഡ്‌സ് ഫെസ്റ്റ് വിജയികള്‍ക്കുള്ള ഓവറോള്‍ ട്രോഫി അല്‍ബിര്‍റ് ചെയര്‍മാന്‍ മുഹമ്മദ് കോയ തങ്ങള്‍ ജമലുല്ലൈലി ചടങ്ങില്‍ വിതരണം ചെയ്യും. വിവിധ സെഷനുകളില്‍ അലി അസ്ഗര്‍ ഹുദവി ഷാര്‍ജ, ഇസ്മാഈല്‍ മാസ്റ്റര്‍, ഹാരിസ് ഹുദവി മടപ്പള്ളി വിഷയമവതരിപ്പിക്കും. ഉമര്‍ ഫൈസി മുക്കം, ഡോ. എന്‍.എ.എം അബ്ദുല്‍ ഖാദര്‍, എം.സി മായിന്‍ഹാജി, കെ. മോയിന്‍കുട്ടി മാസ്റ്റര്‍, സത്താര്‍ പന്തല്ലൂര്‍ പങ്കെടുക്കും.