മുംബൈ: ഇന്‍ഡിഗോ വിമാനത്തിന്റെ വാതില്‍ യാത്രക്കാരന്‍ തുറന്നത് മുംബൈ വിമാനത്താവളത്തില്‍ പരിഭാന്ത്രി പരത്തി. മുംബൈ-ചണ്ഡീഗഢ് വിമാനത്തിലാണ് ആശങ്കയ്ക്കിടയാക്കിയ സംഭവം അരങ്ങേറിയത്. ടേക്ക് ഓഫിന് മിനുട്ടുകള്‍ മാത്രം ശേഷിക്കെ എമര്‍ജന്‍സി എക്‌സിറ്റാണ് ഇയാള്‍ തുറന്നത്. ഇയാളുടെ അടുത്ത് ഇരുന്ന ആള്‍ക്ക് പരുക്കേറ്റിട്ടുണ്ട്.
വാതില്‍ തുറന്നത് കനത്ത സുരക്ഷാ വീഴ്ച്ചയാണെന്നും ഇയാള്‍ക്കെതിരേ കേസെടുത്തിട്ടുണ്ടെന്നും പൊലിസ് അറിയിച്ചു.
രാവിലെ 11ന് ടേക്ക് ഓഫ് ചെയ്യേണ്ട വിമാനത്തിലെ 12-സി യാത്രക്കാരന്‍ ബലം പ്രയോഗിച്ച് വാതില്‍ തുറക്കുകയായിരുന്നു. വിമാനത്തില്‍ 176ഓളം യാത്രക്കാരുണ്ടായിരുന്നു. വാതില്‍ തുറന്നയാളെ സുരക്ഷാസേന സി.ഐ.എസ്.എഫിന് കൈമാറി.