കോഴിക്കോട്: ജില്ലാ സി ഡിവിഷന്‍ ഫുട്‌ബോളില്‍ ഇന്നലെ നടന്ന ആദ്യമത്സരത്തില്‍ ബ്രൗണ്‍ ഷൂട്ടേഴ്‌സ് ഒന്നിനെതിരേ നാല് ഗോളുകള്‍ക്ക് ലിബറല്‍ സ്‌പോര്‍ട്‌സ് ക്ലബ്ബിനെ പരാജയപ്പെടുത്തി. സുബൈര്‍ രണ്ടും സുഭാഷ് ഒന്നും ഹംദാന്‍ ഒന്നും ഗോളുകള്‍ സ്‌കോര്‍ ചെയ്തു. ലിബറലിന് വേണ്ടി മുസ്താഖ് ഏകഗോള്‍ നേടി.
രണ്ടാമത്തെ മത്സരത്തില്‍ ഫുട്ബാള്‍ പ്ലെയേഴ്‌സ് അസോസിയേഷന്‍ ഒന്നിനെതിരെ രണ്ട് ഗോളുകള്‍ക്ക് കുരിയാല്‍ സ്‌പോര്‍ട്‌സ് ക്ലബ്ബിനെ പരാജയപ്പെടുത്തി. പ്ലെയേഴ്‌സ് അസോസിയേഷന് വേണ്ടി അഭിലാഷ് രണ്ടും മുഹമ്മദ് ഫസല്‍ ഒരു ഗോളും സ്‌കോര്‍ ചെയ്തു.
അവസാന മത്സരത്തില്‍ എന്‍.ഐ.ടി ഒന്നിനെതിരേ രണ്ട് ഗോളുകള്‍ക്ക് കല്ലായ് ജൂനിയര്‍ യൂത്തിനെ പരാജയപ്പെടുത്തി.  എന്‍.ഐ.ടിക്ക് വേണ്ടി താജും അരവിന്ദും കല്ലായിക്ക് വേണ്ടി അജ്‌നാസ് ഒരു ഗോളും സ്‌കോര്‍ ചെയ്തു.