മാവേലിക്കര: കശ്മിര്‍ അതിര്‍ത്തിയില്‍ പാകിസ്താന്‍ വെടിവയ്പ്പില്‍ വീരമൃത്യു വരിച്ച കരനേസ ലാന്‍സ് നായിക് സാം എബ്രഹാമിന്റെ മൃതദേഹം ഇന്ന് കേരളത്തിലെത്തിക്കും. രാത്രി എട്ട് മണിയോടെ തിരുവനന്തപുരം വിമാനത്താവളത്തിലെത്തിക്കുന്ന മൃതദേഹം തുടര്‍ന്ന് പാങ്ങോട് സൈനിക കേന്ദ്രത്തിലേക്ക് മാറ്റും.

സംസ്‌കാരം നാളെ ഉച്ചയ്ക്ക് രണ്ടിന് പുന്നമ്മൂട് സെന്റ് ഗ്രിഗോറിയോസ് ഓര്‍ത്തഡോക്‌സ് പള്ളി സെമിത്തേരിയില്‍ നടക്കും.

വെള്ളിയാഴ്ച്ച ഉച്ചയോടെയാണ് കരസേന ലാന്‍സ് നായികായിരുന്ന സാം പാക് അതിര്‍ത്തിയിലെ സുന്ദര്‍ ബനിയില്‍ കൊല്ലപ്പെട്ടത്.