കൊല്‍ക്കത്ത: ത്രിപുരയില്‍നിന്നുള്ള സി.പി.എം കേന്ദ്ര കമ്മിറ്റി അംഗവും മുന്‍ എം.പിയുമായ ഖഗേന്‍ ദാസ് അന്തരിച്ചു. എണ്‍പത് വയസായിരുന്നു. ഇന്ന് പുലര്‍ച്ചെ ഹൃദയാഘാതത്തെ തുടര്‍ന്ന് കൊല്‍ക്കത്തയില്‍ വെച്ചായിരുന്നു അന്ത്യം. സി.പി.എം കേന്ദ്ര കമ്മിറ്റിയില്‍ പങ്കെടുക്കുന്നതിനായി കൊല്‍ക്കത്തയില്‍ എത്തിയതായിരുന്നു അദ്ദേഹം.

2002 മുതല്‍ 2014 വരെ ലോക്‌സഭാ അംഗമായിരുന്നു. ത്രിപുര വെസ്റ്റ് മണ്ഡലത്തെയാണ് ഖഗേന്‍ ദാസ് ലോക്‌സഭയില്‍ പ്രതിനിധീകരിച്ചിരുന്നത്.