കണ്ണൂര്‍: മഹാന്മാര്‍ നയിച്ച സി.പി.ഐ ഇപ്പോള്‍ ശവക്കുഴിയിലാണെന്ന കെ.എം മാണിയുടെ പ്രസ്താവനയ്ക്കു മറുപടിയുമായി റവന്യൂ മന്ത്രി ഇ. ചന്ദ്രശേഖരന്‍. കണ്ണൂര്‍ പ്രസ്‌ക്ലബില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. മാണിക്ക് മഹാന്മാര്‍ ആരാണെന്നറിയാത്തതിന്റെ പ്രശ്‌നമാണെന്നും, മാണി മഹാനല്ലെന്നും ചന്ദ്രശേഖരന്‍ പറഞ്ഞു. തല്‍ക്കാലം രക്ഷപ്പെട്ടുപോകുന്ന സന്തോഷത്തില്‍ മാണിക്കെന്തും പറയാം. ഇന്നത്തെ സാഹചര്യത്തില്‍ ഒറ്റയ്ക്ക് നിന്നാല്‍ ഒരു കക്ഷിക്കും ഒന്നും നേടാനാവില്ലെന്നും മന്ത്രി ചൂണ്ടിക്കാട്ടി. കെ.എം മാണിയെ അയാളെന്നു വിളിച്ചായിരുന്നു മന്ത്രിയുടെ പ്രതികരണം.