കോഴിക്കോട്: 'നിറം മാറുന്ന വിദ്യാഭ്യാസം, നിറം മങ്ങുന്ന നാട് 'എന്ന പ്രമേയവുമായി ഫെബ്രുവരി 4,5,6 തിയതികളില്‍ തൃശൂരില്‍ നടക്കുന്ന കെ.എസ്.ടി.യു 39 ാം സംസ്ഥാന സമ്മേളനത്തിന് അന്തിമരൂപമായി. ഫെബ്രുവരി 4ന് വൈകിട്ട് 4.30ന് മുസ്‌ലിം ലീഗ് ദേശീയ ജന.സെക്രട്ടറി പി.കെ കുഞ്ഞാലിക്കുട്ടി എം.പി സമ്മേളനം ഉദ്ഘാടനം ചെയ്യും. സയ്യിദ് മുനവ്വറലി ശിഹാബ് തങ്ങള്‍ മുഖ്യ പ്രഭാഷണം നടത്തും. മുന്‍ നിയമസഭാ സ്പീക്കര്‍ തേറമ്പില്‍ രാമകൃഷ്ണന്‍ മുഖ്യാതിഥിയായിരിക്കും. 'ഗുരുചൈതന്യം' സമ്മേളന സ്‌പെഷല്‍ പതിപ്പ് വി.കെ ഇബ്രാഹിം കുഞ്ഞ് എം.എല്‍.എ സ്വാഗതസംഘം ചെയര്‍മാന്‍ സി.എച്ച് റഷീദിന് നല്‍കി പ്രകാശനം ചെയ്യും.