ശ്രീനഗര്‍: അതിര്‍ത്തി ലംഘിച്ച് പാകിസ്താന്‍ നടത്തുന്ന ആക്രമണത്തില്‍ ഒരു സൈനികന് കൂടി വീരമൃത്യു. ഇതോടെ കൊല്ലപ്പെട്ട സൈനികരുടെ എണ്ണം 11 ആയി.
പൂഞ്ച് ജില്ലയിലെ മാന്‍കോട് മേഖലയിലെ സൈനികനായ സി.കെ റായ് ആണ് മരിച്ചത്. പാകിസ്താന്‍ ആക്രമണത്തില്‍ ഗുരുതരമായി പരുക്കേറ്റ ഇദ്ദേഹത്തെ സൈനിക ആശുപത്രിയില്‍ പ്രവേശിപ്പിച്ചിരിക്കുകയായിരുന്നു.
ഇന്നലെ പുലര്‍ച്ചയോടെ മരണപ്പെടുകയായിരുന്നു. ഈ മാസം 11 മുതല്‍ പാകിസ്താന്‍ അതിര്‍ത്തി ലംഘിച്ച് തുടങ്ങിയ ആക്രമണം ഇപ്പോഴും തുടരുകയാണ്.
ജമ്മു, കത്വുവ, സാംബ, പൂഞ്ച്, രജൗറി ജില്ലകളിലാണ് പാകിസ്താന്‍ അതിര്‍ത്തി ലംഘിച്ച് ആക്രമണം നടത്തുന്നത്.