ന്യൂഡല്‍ഹി: കനത്ത മൂടല്‍മഞ്ഞ് ഡല്‍ഹിയിലെ ട്രെയിന്‍ സര്‍വിസുകളെ ബാധിച്ചു. മൂടല്‍മഞ്ഞ് മൂലം 10 ട്രെയിനുകളുടെ സര്‍വിസുകള്‍ നിര്‍ത്തിവയ്ക്കുകയും മൂന്നു ട്രെയിനുകളുടെ സമയം പുന:ക്രമീകരിക്കുകയും ചെയ്തു. 22 ട്രെയിനുകള്‍ ഇപ്പോള്‍ വൈകിയാണ് ഓടുന്നത്.

26 ഡിഗ്രിയാണ് സെല്‍ഷ്യസാണ് ഡല്‍ഹിയിലെ ഇപ്പോഴത്തെ താപനില. എന്നാല്‍, ആറു ഡിഗ്രി സെല്‍ഷ്യസ് വരെ കുറയുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ പ്രവചനം.

വടക്കന്‍ ഇന്ത്യയിലും ഡല്‍ഹിയുടെ വിവിധ ഭാഗങ്ങളിലും മൂടല്‍മഞ്ഞ് കൂടുതലായി കാണപ്പെടുന്നു. ഇത് സാധാരണക്കാരുടെ ജീവിതത്തെയും ട്രെയിന്‍ റോഡ് ഗതാഗതത്തെയും ബാധിക്കുന്നുണ്ട്.