ആര്യനാട്: കരമനയാറ്റില്‍ കുളിക്കാനിറങ്ങിയ യുവാവ്  മുങ്ങി മരിച്ചു.പുറുത്തിപ്പാറ ഹരിജന്‍ കോളനിയിലെ സനു (32) വാണ് മരിച്ചത്.
ബൗണ്ടര്‍ മുക്ക് ആനക്കയത്തും മൂലക്കടവില്‍ ഇന്നലെ വൈകിട്ട് അഞ്ച് മണിയോടെയായിരുന്നു അപകടം. പോത്തന്‍കോട് നിന്നും എത്തിയ 11 അംഗസംഘത്തോടൊപ്പം സഹായിയായിപ്പോയതായിരുന്നു സനു .മറ്റുള്ളവര്‍ ആഹാരം പാകം ചെയ്യുന്നതിനിടെ ആറ്റില്‍ കുളിക്കാനായി ഇറങ്ങിയ സനു മുങ്ങിത്താഴുകയായിരുന്നു.കൂടെയുണ്ടായിരുന്നവര്‍ക്കു ന ീന്തല്‍ വശമില്ലാത്തതിനാല്‍  കരയില്‍ നിന്ന് ബഹളം വയ്ക്കാനെ കഴിഞ്ഞുള്ളൂ. ഓടി കൂടിയ നാട്ടുകാരും ആര്യനാട് പൊലിസും ചേര്‍ന്ന് ആറ് മണിയോടെ മൃതദേഹം പുറത്തെടുത്തു.
മൃതദേഹം പോസ്റ്റ്‌മോര്‍ട്ടത്തിനായി നെടുമങ്ങാട് ജില്ലാ ആശുപത്രിയിലേക്ക് മാറ്റി.കൂലിപ്പണിക്കാരനായിരുന്നു.ഭാര്യ പ്രിജി, രണ്ട് വയസുള്ള സന മകളാണ്.