കൊല്ലം: ചെങ്ങന്നൂര്‍ ഉപതെരഞ്ഞെടുപ്പില്‍ എല്‍.ഡി.എഫ് വിജയിക്കുമെന്നും സംസ്ഥാനത്ത് എന്‍.ഡി.എ ദുര്‍ബലമാണെന്നും എസ്.എന്‍.ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍ സ്വകാര്യ ചാനലിനോട് വ്യക്തമാക്കി. എല്‍.ഡി.എഫിന്റെ ഭരണ മികവും സി.പി.എം ആലപ്പുഴ ജില്ലാ നേതൃത്വത്തിന്റെ പ്രവര്‍ത്തനവുമാണ് ഇടതിന് വിജയം നല്‍കുന്നത്. ബി.ജെ.പി സ്വന്തം നിലയിലാണ് കാര്യങ്ങള്‍ നടത്തുന്നത്. ഘടക കക്ഷികളുടെ അഭിപ്രായങ്ങള്‍ അവര്‍ കേള്‍ക്കാറില്ല. സി.കെ ജാനു എന്‍.ഡി.എ വിടുന്നതില്‍ ആശ്ചര്യപ്പെടാനില്ലെന്നും വെള്ളാപ്പള്ളി പറഞ്ഞു.