എച്ചോം: പനമരത്തെ മദ്യശാല ഏച്ചോം പ്രദേശത്തേക്ക് മാറ്റാനുള്ള അധികൃതരുടെ നീക്കത്തിനെതിരേ പ്രദേശവാസികള്‍ നടത്തുന്ന സമരം രണ്ടാഴ്ച പിന്നിടുന്നു. എച്ചോം കവലയില്‍ മദ്യശാല സ്ഥാപിക്കുന്നതെന്ന് കരുതുന്ന കെട്ടിടത്തിന് മുന്നിലാണ് കുടില്‍ കെട്ടി സമരം നടത്തുന്നത്.
മദ്യത്തിനെതിരേയുള്ള പ്രദേശവാസികളുടെ സമരത്തിന് ഐക്യദാര്‍ഢ്യവുമായി മാനന്തവാടി ബീവറേജ് ഔട്ടലറ്റിനെതിരേ സമരം ചെയ്യുന്ന ആദിവാസി അമ്മമാര്‍ സമരപ്പന്തലിലെത്തി.
ആദിവാസികളും പിന്നോക്ക വിഭാഗങ്ങളും തിങ്ങിപ്പാര്‍ക്കുന്ന പ്രദേശത്ത് മദ്യശാല സ്ഥാപിച്ചാല്‍ വ്യാപക ദൂശ്യഫലങ്ങളുണ്ടാകുമെന്ന് സമരസമിതി നേതാക്കള്‍ പറഞ്ഞു. ഫാദര്‍ ബേബി ചാലില്‍, വെള്ള, സോമന്‍, മാക്ക, പയ്യം പള്ളി ശ്രീതല എന്നിവര്‍ സംസാരിച്ചു.