ഗൂഡല്ലൂര്‍: കുന്നൂര്‍ സിംസ് പാര്‍ക്കിലും പരിസര പ്രദേശത്തും ഭീതിവിതച്ച് കാട്ടുപോത്തിന്റെ സാമീപ്യം. എല്ലാദിവസവും കാട്ടുപോത്ത് പ്രദേശത്തെത്തുന്നത് പ്രദേശവാസികളെ ഭീതിയിലാഴ്ത്തുകയാണ്. സിംസ് പാര്‍ക്കിന്റെ സമീപത്തെ വനത്തില്‍ നിന്നാണ് രാത്രിയെന്നോ പകലെന്നോ ഇല്ലാതെയുള്ള കാട്ടുപോത്തിന്റെ നാടിറക്കം. പോത്തിനെ കാട്ടിലേക്ക് തുരത്തുവാന്‍ വനംവകുപ്പ് ശ്രമം നടത്തുന്നുണ്ടെങ്കിലും നാട്‌വിട്ട് പോകാന്‍ പോത്ത് കൂട്ടാക്കുന്നില്ല. കഴിഞ്ഞ ദിവസം കുന്നൂര്‍-കോത്തഗിരി റോഡില്‍ നിലയുറപ്പിച്ച പോത്ത് ഗതാഗത തടസ്സവുമുണ്ടാക്കി. ദിവസങ്ങള്‍ക്ക് മുന്‍പ് വിനോദസഞ്ചാരത്തിനെത്തിയ ആളെ കാട്ടുപോത്ത് ആക്രമിച്ച് കൊലപ്പെടുത്തിയിരുന്നു.