കല്‍പ്പറ്റ: വയനാടിന്റെ പച്ചപ്പും ജലസമ്പത്തും വീണ്ടെടുക്കുക എന്ന ലക്ഷ്യത്തോടെ ഹരിതകേരളം പദ്ധതിയുടെ ഭാഗമായി ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പ് നടത്തിയ വാഹനപ്രചാരണജാഥ 'ഹരിതകേരളം എക്‌സ്പ്രസ്സ് '  വൈത്തിരിയില്‍ സമാപിച്ചു.  പ്രകൃതി സംരക്ഷണയജ്ഞത്തില്‍ പൊതുജനപങ്കാളിത്തം ഉറപ്പാക്കുന്നതിനാണ് പരിപാടി സംഘടിപ്പിച്ചത്. ബാലുശ്ശേരി മനോരഞ്ജന്‍ ആര്‍ട്‌സിന്റെ ഏഴംഗ കലാകാരന്മാര്‍ അണിനിര വില്‍ക്കലാമേള പ്രചാരണ വാഹനത്തെ അനുഗമിച്ചിരുന്നു. കല്‍പ്പറ്റ സിവില്‍ സ്റ്റേഷന്‍ പരിസരത്ത് നിന്ന് സി.കെ ശശീന്ദ്രന്‍ എം.എല്‍.എയാണ് ഫ്‌ളാഗ് ഓഫ് ചെയതത്.