കൊച്ചി: കുന്നംകുളം ചാരിറ്റബിള്‍ സൊസൈറ്റിയുടെ ആഭിമുഖ്യത്തി സഹകരണ മന്ത്രി എ.സി മൊയ്തീന് സ്വീകരണം നല്‍കി.  പൊതു സമ്മേളനം ഹൈക്കോടതി ജഡ്ജി ജസ്റ്റിസ് കെ സുരേന്ദ്രമോഹന്‍ ഉദ്ഘാടനം ചെയ്തു.
ചടങ്ങില്‍ സൊസൈറ്റി പ്രസിഡന്റ് സി കെ സണ്ണി അധ്യക്ഷനായി. വിദ്യാഭ്യാസ അവാര്‍ഡ് മന്ത്രി എ.സി മൊയ്തീനും 1001 വിദ്യാര്‍ഥികള്‍ക്കു പഠനോപകരണ വിതരണം മേയര്‍ സൗമിനി ജെയ്‌നും വിതരണം ചെയ്തു. രോഗികള്‍ക്കുള്ള ധനസഹായ വിതരണം കൗണ്‍സിലര്‍ ഗ്രേസി ബാബു ജേക്കബും നിര്‍വഹിച്ചു.
സൊസൈറ്റിയുടെ ജീവകാരുണ്യ മാതൃകാ പ്രവര്‍ത്തനങ്ങളെ മന്ത്രി അഭിനന്ദിച്ചു. എല്‍.ഡി.എഫ് സര്‍ക്കാര്‍ നടപ്പാക്കുന്ന പുരോഗമന പദ്ധതികളില്‍ എല്ലാവിഭാഗം ജനങ്ങളുടെയും സഹകരണം മന്ത്രി അഭ്യര്‍ഥിച്ചു.
കൗണ്‍സിലര്‍ ദീപക് ജോയി, സൊസൈറ്റി വൈസ്പ്രസിഡന്റ് എ.സി രാജന്‍, സൊസൈറ്റി ജനറല്‍ സെക്രട്ടറി സി.കെ അബി, ട്രഷറര്‍ പി.പി ഷാജു  എന്നിവര്‍ സംസാരിച്ചു.